Author: mesa khmernote

យុវជនសំរាម បានរកឃើញថា ដើមត្រែងអាចច្នៃជាបំពង់បឺត ជំនួសទុយោផ្លាស្ទិកដែលបំពុលបរិស្ថាន បានយ៉ាងមានប្រយោជន៍ ព្រោះមួយដើមអាចកាត់បានជិត៥០បំពង់

ក្រោយពីទទួលបានជោគជ័យ និងការចាប់អារម្មណ៍ បន្ទាប់ពីសមិទ្ធផលជាច្រើនបានបង្កើតឡើងដោយក្រុម យុវជនសំរាម ដែលមានដូចជាហាងកាហ្វេសំរាម សួនច្នៃសំរាម និងការដាំផ្កាលំអទីក្រុង ពេលនេះក្រុមយុវជនជួយសង្គមមួយនេះបានបណ្តើរការរុករកឃើញថ្មីមួយទៀត នោះគឺការយករុក្ខជាតិត្រែងមកធ្វើជាបំពង់បឺត ជំនួសទុយោផ្លាស្ទិកដែលបំពុលបរិស្ថាន។ យោងតាមប្រភពទំព័រផ្លូវការរបស់ យុវជនសំរាម បានរៀបរាប់ឲ្យដឹងថា៖ «ដើមត្រែងអាចច្នៃប្រើជំនួសបំពង់បឺតប្លាស្ទិកបាន ក្នុងមួយដើមអាចកាត់បានជិត៥០ បំពង់បឺត ដូច្នេះយើងគួរតែចូលរួមកាត់បន្ថយការប្រើប្រាស់ប្លាស្ទិកទាំងអស់គ្នា យុវជនសំរាមនឹងដាំ អោយបានច្រើន ទុកយកមកកាត់លក់តាមហ៊ាងកាហ្វេ អាចកម្មង់បានចាប់ពីពេលនេះតទៅ Comment & Inbox សូមចូលរួមចែករំលែកព័ត៌មាននេះផង»៕

សម្តេចតេជោ ឧបត្ថម្ភថវិកា ២លានរៀល ដល់ក្រុមល្ខោនបាសាក់ នាយកុយ ដែលនឹងសម្តែងល្ខោនជូនបងប្អូនទស្សនាឥតគិតថ្លៃ នៅវត្តឈូងលៀប ស្រុកស្អាង រយៈពេល៣យប់

ថ្មីៗនេះតារាកំប្លែងជើងចាស់ដែលមហាជនស្គាល់ច្បាស់នោះគឺ នាយកុយ បានប្រកាសនៅក្នុងបណ្តាញសង្គមថាខ្លួននឹងដឹកនាំក្រុមល្ខោនបាសាក់ទៅសម្តែងនៅឯវត្ត វត្តឈូងលៀបព្រះសីហនុរាជ ស្រុកស្អាងខេត្តកណ្តាល រយៈពេលបី៣យប់​ ដោយពុំយកប្រាក់។ យោងតាមប្រភពសាររបស់ នាយកុយ ដែលបានបង្ហោះក្នុងបណ្តាញសង្គមថា៖ «យប់ថ្ងៃ ២០! ២១! ២២! ក្រុមល្ខោនបាសាក់ប៉ូឡូសាវឿន កំពង់ស្ពឺ សំដែងនៅ​ វត្តឈូងលៀប ស្អាង​ មានខ្ញុំបាទ នាយកុយ ចូលរួមសំដែងទាក់ទងជួលលេខទូរស័ព្ទ ០១២ ៩៧ ០០ ០៧/០១១ ៨៥ ៣៨ ៥៣ …

ឈិត សុវណ្ណបញ្ញា ឧបត្ថម្ភទឹកប្រាក់ចំនួន ១០០ ដុល្លារ ដល់វីរៈសិល្បករអាយ៉ៃ និងកំប្លែងលោកយាយ ណយ សំណាង

កាលពីថ្មីៗនេះតារាកំប្លែង និងវីរៈសិល្បករអាយ៉ៃជើងចាស់លោកយាយ ណយ សំណាង បានធ្វើឲ្យមហាជនព្រួយបារម្ភជាខ្លាំងក្រោយវ័យលោកយាយកាន់តែជរា និងមានជម្ងឺប្រចាំកាយ។ លោកយាយ ណយ សំណាង បានធ្វើឲ្យមហាជនព្រួយបារម្ភជាខ្លាំង ព្រោះតែលោកយាយវ័យកាន់តែជរា ពុំមានប្រាក់ចំណូល សម្តែងមិនកើត រស់ពឹងផ្អែកតែលើកូនប្រុសលោក វណ្ណា សក្តិ ដែលចេញច្រៀងរកលុយតែមួយមុខគត់។ ដោយក្តីអាណិតដល់លោកយាយតារាចម្រៀងស្រីប្រចាំផលតិកម្មថោន ឈិត សុវណ្ណបញ្ញា​ ក៏បានឧបត្ថម្ភជាថវិកាដល់គាត់ដូចគ្នា។ យោងតាមប្រភពលោក អ៉ឹម ជីវ៉ា បានរៀបរាប់ឲ្យដឹងថា៖ «សូមជួយស៊ែរផង តារាចំរៀងដ៏ល្បី ឈិត សុវណ្ណបញ្ញា …

ចៅអធិការវត្តព្រៃទប់ ស្រុកទឹកឈូ ខេត្តកំពត អំពាវនាវឲ្យញាតិញោមទៅវត្ត ព្រោះបិណ្ឌទី៦ហើយ នៅខ្សត់រកចង្ហាន់ឆាន់ពុំទាន់បាននោះឡើយ

រដូវភ្ជុំបិណ្ឌបានឈានចូលមកដល់ បងប្អូនប្រជាពលរដ្ឋតែងនាំចង្ហាន់យកទៅប្រគេនព្រះសង្ឃ​តាមទីវត្តអារាមជិតឆ្ងាយ។ សង្កេតឃើញថាចាប់ពីបិណ្ឌ១ មកដល់បិណ្ឌ៧នេះ ប្រជាជនខ្មែរជាច្រើនរូបបានប្រណិបត្តិយ៉ាងខ្ជាប់ខ្ជួននៅពិធីកាន់បិណ្ឌ ដោយវត្តមួយចំនួនដែលមានទីតាំងនៅក្នុងក្រុងគឺមានចង្ហាន់យ៉ាងហូរហៀ ដោយឡែកវត្តមួយចំនួនដែលស្ថិតនៅឯខេត្តឆ្ងាយៗ និងតំបន់ដាច់ស្រយាលគឺហាក់មានតិចតួចទៅតាមតំបន់។ ជាក់ស្តែងនៅវត្តមួយនៅឯខេត្តកំពត មកដល់បិណ្ឌ៦ហើយ តែនៅរកចង្ហាន់ពុំទាន់បាននោះឡើយ ដោយពុំទាន់មានញាតិមិត្តជិតឆ្ងាយណាទៅវត្តប្រគេនចង្ហាន់នោះឡើយ។ ដោយយោងតាម ចៅអធិការ វត្តព្រៃទប់ ស្រុកទឹកឈូ ខេត្តកំពត បានរៀបរាប់ឲ្យដឹងថា៖ «វេនទី៦ ចង់ស្រកទឹកភ្នែក រកចង្ហាន់ឆាន់មិនចង់បាន»៕

សម័យកាន់តែជឿនលឿន មុខរបរធាក់ស៊ីក្លូកាន់តែបាត់បង់រសនិយម! លោកតាធាក់ស៊ីក្លូខ្លះមានអាយុលើសពី៨០ឆ្នាំនៅតែប្រឹងប្រកបរបរនេះដើម្បីមានប្រាក់ចិញ្ចឹមជីវិត ប្រសើរជាងរស់ពឹងជំនួយពីកូនៗ

ស៊ីក្លូ គឺជាមធ្យោបាយធ្វើដំណើរ និងដឹកជញ្ជូនមួយរបស់ព្រះរាជាណាចក្រកម្ពុជា ដោយបច្ចុប្បន្ននេះគឺហាក់ពុំសូវទទួលបានការចាប់អារម្មណ៍នោះឡើយ ដែលជាហេតុធ្វើឲ្យមុខរបរស៊ីក្លូមានការធ្លាក់ចុះទាំងប្រាក់ចំណូល និងការប្រើប្រាស់។ យ៉ាងណាមិញយើងសង្កេតឃើញថាអ្នកធាក់ស៊ីក្លូភាគច្រើនគឺជាអ៊ុំប្រុសៗដែលមានវ័យចំណាស់ ហើយសុទ្ធសឹងតែអ្នកដែលប្រកបរបរមួយនេះអស់រយៈពេលយូរឆ្នាំមកហើយ។ តាមរយៈការសាកសួរទៅលោកអ៊ុំធាក់ស៊ីក្លូ តាមរយៈវីដេអូឯកសាររបស់ MJQTV បានឲ្យដឹងថា៖ «របរមួយនេះគឺហាក់ពុំទទួលកាក់កបនោះឡើយ ព្រោះសព្វថ្ងៃនេះពុំសូវមានមនុស្សជិះនោះឡើយ ដោយមួយថ្ងៃពួកគាត់អាចរកបានចន្លោះពី១ម៉ឺនរៀល ទៅ ៣ម៉ឺនរៀល ប៉ុណ្ណោះ។ ថ្ងៃខ្លះរកពុំបានក៏មាន តែភាគច្រើនគឺសប្បុរសជនអាណិតជួយជិះ និងឲ្យថវិកាខ្លះៗដល់ពួកគាត់។ បើទោះបីជាបែបនេះក្តី ក៏លោកអ៊ុំធាក់ស៊ីក្លូគាត់ពុំដែលគិតបោះបង់អាជីពនេះចោល ហើយរស់ពឹងលើកម្លាំងកូនចៅចិញ្ចឹមនោះដែរ គឺពួកគាត់សុខចិត្តប្រកបរបរមួយនេះដើម្បីផ្គត់ផ្គង់ជីវិតខ្លួន»។ ដើម្បីដឹងកាន់តែច្បាស់សូមទស្សនាវីដេអូខាងក្រោមនេះ៖ ប្រភព៖ MJQTV

មន្ត្រីសភាថៃ Pareena Kraikup រិះគន់ LISA សមាជិក BLACKPINK ថា ជាតារាចម្រៀងលំដាប់អន្តរជាតិមួយទាំងមូលបរិច្ចាគថវិកាជួយជាតិត្រឹមតែ១សែនបាត

កាលពីថ្មីៗនេះ LISA សមាជិកក្រុមចម្រៀងកូរ៉េដ៏ល្បីឈ្មោះ BLACKPINK បានធ្វើឲ្យមហាជនកោតសរសើរជាខ្លាំង ក្រោយពីនាងបានបរិច្ចាគថវិកាចំនួន ១សែនបាត ដើម្បីឧបត្ថម្ភដល់ជនរងគ្រោះដោយសារទឹកជំនន់នៅខេត្តអ៊ុប៊ុនថានី ប្រទេសថៃ។ តារាចម្រៀង K-POP ដែលមានដើមកំណើតជាជនជាតិថៃរូបនេះ ហាក់រឹតតែធ្វើឲ្យមហាជន និងអ្នកគាំទ្រជាពិសេសហ្វេនក្លឹបនៅផ្ទាល់កាន់តែចូលចិត្ត និងលើកកោតសរសើរ។ ស្របពេលជាមួយគ្នានោះដែរ ស្រាប់តែមានការរិះគន់ពីសំណាក់មន្ត្រីសភាស្រីមួយរូបឈ្មោះថា Pareena Kraikup ដោយនាងបានបង្ហោះសារនៅក្នុងបណ្តាញសង្គមថា៖ «ហេតុអ្វីបានជាប្អូន LISA មិនបរិច្ចាគប្រាក់នេះទៅមូលនិធិសាធារណៈរបស់រាជរដ្ឋាភិបាលដោយផ្ទាល់? ហើយជាតារាចម្រៀងលំដាប់អន្តរជាតិបែបនេះ ម៉េចបានជាប្អូន LISA បរិច្ចាគប្រាក់ត្រឹមខ្ទង់សែន? សូម្បីតែមន្ត្រីដែលមិនល្បីឈ្មោះដល់ប្អូនផងគេបរិច្ចាគលើសចំនួនហ្នឹងទៀត ព្រោះតែមន្ត្រីទាំងអស់គឺសុទ្ធតែស្រលាញ់ប្រជាជនខ្លួន …

រំដួលលិចទឹក ច្រានចោលនូវការចោទប្រកាន់ថា ប្រើឈ្មោះសាលាក្រីក្រមកប្រមូលថវិកា ដើម្បីប្រយោជន៍ខ្លួន និងលួចកេងលុយម្ចាស់ជំនួយ

កាលពីថ្មីៗនេះអ្នកច្នៃម៉ូដ និងផាត់មុខ រំដួលលិចទឹក បានបង្ហោះសារហាក់ខឹងសម្បារជាខ្លាំងក្រោយទទួលរងការចោទប្រកាន់ថារូបគាត់បានកេងយកប្រាក់ឧបត្ថម្ភដែលមហាជនផ្តល់ឲ្យដើម្បីជួយក្មេងៗក្រីក្រ និងសាលានៅតំបន់ដាច់ស្រយាល។ រំដួលលិចទឹក បានបង្ហោះសារបកស្រាយ និងឆ្លើយតបក្នុងបណ្តាញសង្គមថា៖ «នាងខ្ញុំ រំដួលលិចទឹក សូមធ្វើការបដិសេដចំពោះការចោទប្រកាន់ថា នាងខ្ញុំប្រើឈ្មោះសាលាក្រីក្រមកប្រមូលថវិកាដើម្បីប្រយោជន៍ខ្លួននោះ គឺជារឿងមិនពិតនោះទេ។ ការរៀបចំជួយសាលាគឺគំនិតនាងខ្ញុំផ្ទាល់ដោយឃើញពីការលំបាកនោះ ទើបនាងខ្ញុំមានគំនិតចង់ជួយដល់សាលាដែលជួបការលំបាកនោះ ហើយអ្វីដែលលើកឡើងយកមកចោទប្រកាន់នាងខ្ញុំនោះគឺជារឿយល់ច្រឡំនិងមិនពិតនោះទេ។ ហើយនាងខ្ញុំប្រាប់ និងពន្យល់មូលហេតុដល់ខាងអ្នករៀបចំរួចរាល់តាំងពីយូរហើយដែរ ថាមូលហេតុអ្វីបានជាកើតរឿងចឹងកើតឡើង? ហើយនៅពេលនេះ មានរឿងនេះកើតឡើងចឹងនាងខ្ញុំសូមមិនបកស្រាយច្រើននោះទេ។ នាងខ្ញុំសូមរក្សាសិទ្ធក្រុមការងាររបស់នាងខ្ញុំ ហើយនាងខ្ញុំសូមបញ្ជាក់ថាលុយជំនួយគឺមិនបានបាត់ទៅណាសូម្បី១រយរៀលនោះដែរ។ អ្វីដែលនាងខ្ញុំសន្យាគឺ ខ្ញុំមិនបានកុហកបោកប្រាស់អ្នកណានោះដែរ ខ្ញុំគោរពជូនទាំងអស់! ដូច្នេះសូមបងប្អូនម្ចាស់ជំនួយកុំមានការយល់ច្រឡំ ហើយមួយវិញទៀតបើលោកអ្នកនិយាយថាខ្ញុំប្រើឈ្មោះសាលាដើម្បីប្រមូលថវិកាបំរើប្រយោជន៍ខ្លួននោះ បើពិតមែនសូមអស់លោកចេញមុខមកបកស្រាយជាមួយខ្ញុំបានដោយក្តីគោរពពីនាងខ្ញុំ …

យុវជនសំរាម អំពាវនាវឲ្យបងប្អូនទាំងអស់គ្នាចូលរួមកម្មវិធី ទិវាសម្អាតពិភពលោក ២១ កញ្ញា ដោយទីតាំងជួបជុំនៅមុខវិទ្យាល័យបាក់ទូក

អស់រយៈពេលជាច្រើនខែមកហើយដែលក្រុមយុវជនសំរាម បានបង្កើតឡើង ក្នុងគោលបំណងដើម្បីទទួលបានអនាម័យ និងបរិស្ថានស្អាតលើកកម្ពស់មុខមាត់ប្រទេស។ បើទោះបីជាពួកគេមិនទទួលបានប្រាក់កម្រៃអ្វីពីការចេញសកម្មភាពសម្អាតសំរាមជួយសង្គមក៏ពិតមែន តែពួកគេមិនដែលបោះបង់ចោលនោះឡើយ ដោយមានផែនការថ្មីៗជាច្រើនដូចជាការដាំផ្កាតាមប្រឡាយលូទឹកស្អុយ ការច្នៃសួនធ្វើពីសំរាម បង្កើតហាងកាហ្វេពុំយកប្រាក់ជំនួសដោយការយកសំបកផ្លាស្ទិកមកដោះដូរ ព្រមជាមួយនឹងការច្នៃកង់ម៉ូតូឡានធ្វើសួនផងដែរ។ ស្របពេលដែលក្រសួងទេសចរណ៍ចេញសេចក្តីប្រកាសថានឹងធ្វើការចូលរួមកម្មវិធី “ទិវាពិភពលោកស្អាត” គ្មានសំរាម លោក សាន់ ដារ៉ាវីត ប្រធានក្រុមយុវជនសំរាមក៏បានអំពាវនាវដូចគ្នាឲ្យបងប្អូនរាល់គ្នាចូលរួមឲ្យបានច្រើនកុះករ ដោយកម្មវិធីនេះនឹងធ្វើឡើងនៅថ្ងៃទី២១ កញ្ញា ឆ្នាំ២០១៩ ដោយមានការចូលរួមពីក្រុមយុវជនសំរាម ក្រសួងទេសចរណ៍ អង្កការ Let Do It JICA ជប៉ុន ព្រមជាមួយបងប្អូនទាំងអស់គ្នាផ្ទាល់ …