ជាទូទៅនៅពេលដែលអ្នកមានបញ្ហា ឬ រងនូវរបួសផ្សេងៗដែលកើតមាននៅលើរាងកាយ អ្នកតែងតែប្រើប្រាស់ថ្នាំ ឬ វិធីព្យាបាលតាមកែណែនាំរបស់គ្រូពេទ្យ។ ប៉ុន្តែនូវមានវិធីមួយចំនួនទៀតដែលអ្នកអាចសាកល្បងបាន ដោយគ្រាន់តែប្រើនៅរបស់ និងតិចនិកងាយៗមួយចំនួន ដែលអាចព្យាបាលរបួសទាំងនោះ បានយ៉ាងឆាប់រហ័ស ហើយមានប្រសិទ្ធភាពទៀតផង ដូចនេះអ្នកអាចសាកល្បងតាមវិធីខាងក្រោម៖

ទី១. កម្ចាត់កម្ទេចនៅក្នុងភ្នែក៖ ប្រសិនបើមានកំទេចធូលី ឬ រោមភ្នែកចូលទៅក្នុងភ្នែករបស់អ្នក​ អ្នកត្រូវព្រិចភ្នែកដើម្បីធ្វើឱ្យទឹកភ្នែករបស់អ្នកលាងរោមភ្នែកចេញ ហើយយកក្រណាត់ស្អាតជូតរោមភ្នែកចេញ តែកុំភ្លេចសម្អាតដៃរបស់អ្នកជាមុនសិន។

ទី២. ការលាបថ្នាំលើមុខរបួស៖ នៅពេលដែលអ្នកមុតអ្វីមួយ ហើយមានរបួសចេញឈាម អ្នកមិនគួរលាបថ្នាំលើមុខរបួសភ្លាមៗនោះទេ ​ព្រោះងាយនឹងឆ្លងមេរោគ តែអ្នកគួរតែលាងសម្អាតរបួសនោះជាមួយទឹក ដោយប្រើសាប៊ូដុសខ្លួន ហើយទុកឲ្យស្ងួតទើបបិទស្គត់រុំរបួស អ្នកនឹងឃើញថាមុខរបួស នឹងជាសះស្បើយយ៉ាងឆាប់រហ័ស។

ទី៣. ការព្យាបាលការរលាក៖ ចំពោះរបួសដែលបណ្ដាលមកពីការរលាក ជម្រើសដ៏ល្អបំផុតសម្រាប់ព្យាបាល និងការពារកុំឲ្យមានស្នាម គឺអ្នកត្រូវដាក់កន្លែងដែលរលាកនោះត្រាំទឹក ដោយទុករយៈពេល ១៥នាទី វានឹងជួយដល់ការឈឺចាប់បានមួយកម្រិតផងដែរ។

ទី៤.ការប្រើទឹកកកស្អំលើស្នាមជាំ៖ ប្រសិនបើអ្នកប៉ះទង្គិចនឹងអ្វីមួយ ហើយមានស្នាមជាំនៅលើស្បែក អ្នកមិនត្រូវប្រើទឹកកកស្អំនៅលើស្បែកដោយផ្ទាល់នោះទេ​ អ្នកត្រូវយកក្រណាត់ស្អាតមួយមកដាក់ទ្រាប់នៅលើស្នាមជាំនោះមួយជាន់ទៀតសិន បើអ្នកមិនចង់ឲ្យជើងរបស់អ្នកមានការរលាកថែមមួយកម្រិតទៀត។