កម្មវិធីលំដាប់ពិភពលោកថ្មីមួយទៀតដែលស្ថានីយប៉ុស្តិ៍ទូរទស្សន៍ហង្សមាសបាននាំចូលមកផ្តាច់មុខគឺ X Factor Cambodia ដែលមានកំពូលតារាចម្រៀងបួនដួងជាគណកម្មការ ខេមរៈ សិរីមន្ត, ណុប​ បាយ៉ារិទ្ធ, ឱក សុគន្ធកញ្ញា, និង សុខ សីឡាលីន។ បេក្ខជនជាច្រើនរូបមកហើយបានបញ្ចេញសមត្ថភាព អ្នកខ្លះក៏ទទួលបានភាពជោគជ័យទៅវគ្គបន្ត អ្នកខ្លះទៀតក៏ទទួលបានភាពបរាជ័យត្រូវត្រលប់ទៅផ្ទះវិញ។

ក្នុងនោះក៏មានបេក្ខជនទាំង៣រូបបានមកជាក្រុមឈ្មោះKhmer Star ដោយការស្រលាញ់លោក ខេមរៈ សិរីមន្ត អ្នកទាំង៣ក៏បានយកស្ទាយស្លៀកពាក់ និងលើកយកបទចម្រៀងរបស់លោក ខេមរៈ សិរីមន្ត ដែលមានចំណងជើង “ខឹងឬស្អប់អូនអាចជេរបងបាន”។ ដោយបេក្ខជនទាំង៣បកស្រាយបទចម្រៀងបានយ៉ាងពីរោះ ទទួលបានការកោតសរសើរពេញចិត្តនិងណែនាំពីគណៈកម្មការ ព្រមទាំងទទួលបាន “យេស” ពីគណៈកម្មការបន្តក្នុងការប្រកួត។ សូមទស្សនាវីដេអូនៅខាងក្រោម៖