ថ្មីៗនេះ អ្នកនាង ចន ច័ន្ទលក្ខិណា និងគូស្នេហ៍លោក ហេង ឡុង បានចេញសកម្មភាពយ៉ាងសកម្មចំពោះបញ្ហាបុគ្គលប្រើពាក្យអសុរោះ ដើម្បីព្យាយាមលុបបំបាត់ទង្វើបែបនេះចេញពីសង្គមអនឡាញ។ យ៉ាងណាមិញការចាត់វិធានការបែបនេះ យើងហាក់ពុំទាន់ឃើញមានលទ្ធផលយ៉ាងណានោះឡើយ។

ស្រាប់តែមុននេះបន្តិចលោក ហេង ឡុង បានបង្ហោះសារធម៌ក្តៅឲ្យដឹងថា៖ «ថ្ងៃស្អែកសមាគមសិល្បករខ្មែរ នឹងប្ដឹងបុគ្គលរូបនេះដែលបានជេរប្រមាថមកលើ អ្នកនាង ចន ច័ន្ទលក្ខិណា ដែលខ្លួនជាមន្ត្រីយោធា ឈ្មោះ អ៊ូ រិទ្ធី ដែលជាមន្ត្រីគំរូសម្រាប់ប្រជាពលរដ្ឋខ្មែរ។ ចាំមើលថាតើ ស្ថាប័នក្រសួងការពារជាតិ នឹងត្រូវចាត់វិធានការយ៉ាងណាចំពោះបុគ្គលនេះ សូមជួយស៊ែរឱ្យមេគាត់ឃើញផង»៕