តោះៗ! ការបោះឆ្នោតតាមប្រព័ន្ធអេឡិចត្រូនិច នៃកម្មវិធី MR World 2019 បានបើកហើយ! ចូលរួម Vote ឲ្យបេក្ខជនតំណាងប្រទេសកម្ពុជាទាំងអស់គ្នា
សិល្បៈ August 16, 2019 SAM

ថ្មីៗនេះកម្ពុជាបានបញ្ជូនកម្លោះសង្ហា អ៊ូ សំខាន់ ធ្វើជាបុរសឯក MR WORLD CAMBODIA 2019 និងតំណាងបេក្ខភាពកម្ពុជា ជាលើកដំបូង ក្នុងកម្មវិធីប្រកួត លំដាប់ពិភពលោក MR WORLD 2019 នៅទីក្រុង ម៉ានីឡា សាធារណរដ្ឋ ហ្វីលីពីន ក្នុងចំណោមបេក្ខជន១០០រូប មកពីបណ្តាប្រទេសនានាទូទាំងពិភពលោក។

ពេលនេះការបោះឆ្នោតជ្រើសរើសបេក្ខជនដែលមានប្រជាប្រិយភាពតាមប្រព័ន្ធអេឡិចត្រូនិចបានបើកហើយ ដោយយោងតាមប្រភពទំព័រផ្លូវការរបស់ Mr World Cambodia បានរៀបរាប់ឲ្យដឹងថា៖ «សូមជម្រាបជូនពុកម៉ែ មាមីង អ៊ុំពូ បងប្អូននិងប្រិយមិត្តទាំងអស់!

កម្មវិធីប្រកួត MR WORLD 2019 ដែលមានខ្ញុំបាទ អ៊ូ សំខាន់ ជាបេក្ខជនតំណាងបេក្ខភាពកម្ពុជា MR World Cambodia 2019 បានបង្កើតនិងដាក់ឱ្យប្រើប្រាស់ប្រព័ន្ធបោះឆ្នោតគាំទ្រចំពោះបេក្ខជនទាំងអស់តំណាងប្រទេសនីមួយៗ ពីសំណាក់ប្រជាជននៃប្រទេសនោះ និងប្រិយមិត្តដែលមានចិត្តគាំទ្រ ដើម្បីឱ្យបេក្ខជនរូបនោះទទួលបាននូវប្រជាប្រិយភាព ក៏ដូចជាឱកាសនៃការក្លាយជាបេក្ខភាពវគ្គជម្រុះនីមួយៗនៃកម្មវិធីប្រកួតផ្តាច់ព្រ័ត្រ នាថ្ងៃទី២៣ ខែសីហា ខាងមុខ។

វិធីសាស្រ្តក្នុងការចូលរួមបោះឆ្នោតគាំទ្រ៖
១. ប្រើទូរស័ព្ទដៃ ស្មាតហ្វូនរបស់លោកអ្នក រួចចូលទៅកាន់គេហទំព័រ www.missworld.com បន្ទាប់មកចុចត្រង់រូបមនុស្ស ដូចមានបង្ហាញជូនក្នុងរូប ដើម្បីចុះឈ្មោះ
២. អ្នកអាចចុះឈ្មោះចូលជាសមាជិកនៃប្រព័ន្ធតាមរយៈ Facebook User ឬ Email Address របស់ខ្លួនបាន
៣. បន្ទាប់មកគេហទំព័រនឹងនាំអ្នកត្រឡប់ទៅរកគេហទំព័រផ្លូវការវិញដោយមានរូបអ្នកជាសមាជិក។ នៅទីនោះមានកម្មវិធី MISS WORLD & MR WORLD, សូមជ្រើសរើសយក MR WORLD រួចចុចបន្តនៅពាក្យ Contestants, គេហទំព័រនឹងបង្ហាញរូបបេក្ខជននៃកម្មវិធីប្រកួតឆ្នាំ២០១៩
៤. សូមរុញចុះមកក្រោមដើម្បីរករូបខ្ញុំបាទ អ៊ូ សំខាន់ ជាបេក្ខជនតំណាងបេក្ខភាពកម្ពុជា MR World Cambodia 2019 រួចចុចត្រង់ពាក្យថា VOTE FOR ME
នោះមានន័យថាលោកអ្នក និងប្រិយមិត្តទាំងអស់បានចូលរួមបោះឆ្នោតគាំទ្រចំពោះរូបខ្ញុំបាទរួចរាល់ហើយ។ សូមថ្លែងអំណរគុណចំពោះកម្លាំងចិត្តដ៏មហិមានេះ»៕