កាលពីម្សិលមិញនេះអ្នកនាង សុខ ស្រីនាង ដែលធ្លាប់ជ្រកក្នុងផលិតកម្ម KH ក៏បានបង្ហាញការភ្ញាក់ផ្អើល ដោយសឹងតែមិនជឿថា ម្ចាស់ផលិតកម្ម KH ជាអ្នកមានគុណដែលផ្តល់កន្លែងឲ្យច្រៀងស្រាប់តែមកបង្កើតអាជីវកម្មនៅតាមដងផ្លូវ។ ដោយ សុខ ស្រីនាង បានសរសេររៀបរាប់ថា៖ “តេីវាជារឿងពិតឫយ៉ាងណា?? ខ្ញុំសឹងតែមិនជឿ my boss ខ្ញុំមិនដែលភ្លេចទេ ថាគាត់ (ហ៊ាគឹមហេងហេីយនឹងភរិយា) គឺជាអ្នកមានគុណដំបូង ដែលបានផ្តល់កន្លែងអោយខ្ញុំបានច្រៀង បានក្លាយទៅជាតារាចម្រៀងមកដល់សព្វថ្ងៃនេះ បេីគ្មានពួកគាត់ក៏ប្រហែលជាពុកម៉ែបងប្អូនមិនស្គាល់នាងខ្ញុំដែរ ខ្ញុំចង់ជួបគាត់ណាស់ ហ៊ា….!!! សង្ឃឹមបានជួបហ៊ាឆាប់ៗនេះ…RespectMyboss KHpromotion”។
នៅមុននេះបន្តិចដូចដែលបានសន្យាអ្នកនាងសុខ ស្រីនាង បានជួបនឹងម្ចាស់ផលិតកម្ម KH ដែលជាអ្នកមានគុណ បានឲ្យគាត់ក្លាយជាតារាចម្រៀង ដោយគាត់បានបង្ហោះរូបភាព ព្រមទាំង Caption រៀបរាប់ថា៖ “រីករាយណាស់ថ្ងៃនេះដែលបានជួបហ៊ា បែកគ្នារយះពេលជិត10ឆ្នាំហេីយ ជូនពរហ៊ាមានសុខភាពល្អ បានធូរស្រាល់ឆាប់ៗនេះឡេីងវិញ”។ គួរបញ្ជាក់ថា៖ អតីតម្ចាស់ផលិតកម្ម KH លោក គឹម ហេង បានបាត់មុខពីពិភពសិល្បៈបន្ទាប់ពីផលិតកម្មបិទទ្វារ ដោយលោកប្រើជីវិតសាមញ្ញដាំដុះបន្លែផ្លែឈើ ក្នុងនាមជាអ្នកចំការមួយរូប។ ក្នុងនោះលោក គឹម ហេង ក៏បានមកកាន់ក្រុងភ្នំពេញ ដើម្បីប្រកបរបរអាជីវកម្មតាមដងផ្លូវ នៅតាមផ្លូវជាតិលេខ១ ហួសបូរីប៉េងហួត ដោយលក់ភេសជ្ជៈ អាវភ្លៀង និងម៉ាស ដោយអាជីវកម្មនេះលោកចំណាយទុន៥០០ដុល្លារ និងជួលដីនៅមុខផ្ទះគេក្នុងមួយខែ១០០ដុល្លារ៕
