រឿង JUMANJI “មេវគ្គបន្ទាប់” វគ្គថ្មីដំណើរផ្សងព្រេងពោរពេញដោយឧបសគ្គ នឹងធ្វើឲ្យអ្នកទស្សនាទប់សំណើចមិនជាប់
PR December 11, 2019 naren khmernote

ទីបំផុតខ្សែភាពយន្តរឿង JUMANJI បានបញ្ចេញវគ្គ២ហើយបន្ទាប់ពីជោគជ័យកាលពីឆ្នាំ២០១៧ ដោយខ្សែភាពយន្តវគ្គនេះមានចំណងជើង JUMANJI “មេវគ្គបន្ទាប់”។ ដោយនៅក្នុងវគ្គថ្មីនេះកាន់តែប្លែក ឆ្លងកាត់ភ្នំខ្សាច់ផង ឡើងភ្នំទឹកកកផង ដំណើរផ្សងព្រេងកាន់តែលំបាកជាងមុន ខ្សែភាពយន្តពោរពេញដោយភាពកំប្លុកកំប្លែង ដោយមានតួអង្គល្បីៗដូចជា លោក Dwayne Johnson កញ្ញា Karen Gillan លោក Kevin Hart និងលោក Jack Black ជាដើម។

ដោយ JUMANJI “មេវគ្គបន្ទាប់” នេះនិយាយពីតួអង្គ pals Martha, Fridge និង Bethany បានត្រឡប់ចូលទៅក្នុងហ្គេមវិញដើម្បីស្វែងរកមិត្តរួមក្រុមរបស់ខ្លួនឈ្មោះ Spencer ដែលបានត្រឡប់ចូលទៅក្នុងហ្គេមនោះហើយ អ្នកទាំង៤ត្រូវលេងហ្គេមដែលមានវគ្គកាន់តែគ្រោះថ្នាក់និងសាហាវការប៉ាន់ស្មានមិនត្រូវដូចមុន។ តើអ្នកលេងហ្គេមនេះត្រូវខំយ៉ាងណាខ្លះដើម្បីលេងឈ្នះវគ្គនេះ? ខ្សែភាពយន្ត “Jumanji: មេវគ្គបន្ទាប់” នឹងមានចាក់បញ្ចាំងនាថ្ងៃទី១៣ ខែធ្នូខាងមុខនេះនៅរោងភាពយន្តលេជិន គ្រប់សាខា៕