សង្គម
  • គិតមកទល់នឹងពេលនេះ អ្នកផ្ទុកវីរុសកូរ៉ូណាជាង ៣០០នាក់ហើយបានជាជះស្បើយ
    សង្គម
    February 2, 2020 SAM

    ចិន៖ អាជ្ញាធរសុខាភិបាលចិនបានប្រកាសនៅថ្ងៃអាទិត្យនេះថា គិតមកទល់នឹងពេលនេះ អ្នកជំងឺសរុបចំនួន ៣២៨នាក់ ដែលឆ្លងវីរុសកូរ៉ូណាបានចាកចេញពីមន្ទីរពេទ្យ បន្ទាប់ពីបានជាសះស្បើយពីវីរុសកូរ៉ូណា។ គណៈកម្មាធិការសុខភាពជាតិ (NHC) បាននិយាយនៅក្នុងរបាយការណ៍ប្រចាំថ្ងៃរបស់ខ្លួនថា កាលពីថ្ងៃសៅរ៍ មានមនុស្ស ៨៥ នាក់បានជាជះស្បើយពីវីរុសកូរ៉ូណា (ក្នុងនោះមាន៤៩នាក់មកពីខេត្ត Hubei) ហើយត្រូវបានចាកចេញពីមន្ទីរពេទ្យជាបន្តបន្ទាប់។ យោងតាមរបាយការណ៍ចុងក្រោយបានឲ្យដឹងថា ចំនួនអ្នកស្លាប់បាត់បង់ជីវិត ដោយសារវីរុសកូរ៉ូណាមានចំនួនសរុប ៣០៤នាក់ និងអ្នកឆ្លងវីរុសនេះទូទាំងពិភពលោកបានកើនឡើងដល់ ១៤ ៣៨០នាក់៕ ប្រភព៖ Xinhua

  • វីរុសកូរ៉ូណារាតត្បាតមិនទាន់បាត់ផង ឥលូវចិនផ្ទុះឡើងវិញជំងឺផ្តាសាយបក្សីថែមទៀត
    សង្គម
    February 2, 2020 SAM

    ក្រសួងកសិកម្ម និងកិច្ចការជនបទចិន បានឲ្យដឹងកាលពីថ្ងៃសៅរ៍ថា ប្រទេសចិនមានការផ្ទុះឡើងនៃវីរុសផ្តាសាយបក្សីប្រភេទ H5N1 នៅកសិដ្ឋានមួយក្នុងទីក្រុង Shaoyang ខេត្ត Hunan ភាគខាងត្បូង ប្រទេសចិន។ ករណីនេះបានកើតឡើងនៅក្នុងកសិដ្ឋានមួយកន្លែង ដែលមានមាន់ចំនួន ៤ ៥០០ក្បាលបានស្លាប់ក្នុងចំណោមមាន់ ៧ ៨៥០ក្បាល ដោយសារជំងឺផ្តាសាយបក្សី។ អាជ្ញាធរបានចាប់សត្វបក្សីចំនួន ១៧ ៨២៨ ក្បាលបន្ទាប់ពីការផ្ទុះវីរុសផ្តាសាយបក្សីនេះ។ មិនមែនតែប្រទេសចិនទេ ដែលព្យាយាមកាត់បន្ថយការរីករាលដាលនៃវីរុសនេះ ដោយកាលពីដើមសប្តាហ៍កន្លងមកនេះ អាជ្ញាធរក្នុងប្រទេសឥណ្ឌាក៏បានចាប់ផ្តើមចាប់មាន់ និងបំផ្លាញពងមាន់ ដែលផ្ទុកវីរុសផ្តាសាយបក្សីផងដែរ។ យោងតាមអ្នកជំនាញអង្គការសហប្រជាជាតិបានឲ្យដឹងថា ការផ្ទុះជំងឺផ្តាសាយបក្សីនៅប្រទេសចិនកាលពីឆ្នាំ ២០១៣កន្លងទៅ បានធ្វើឲ្យខាតបង់សេដ្ឋកិច្ចចិនរហូតដល់ ៦,៥ ពាន់លានដុល្លារ៕

  • (Update): តួលេខឡើងរហូត! វីរុសកូរ៉ូណាសម្លាប់មនុស្សជាង ៣០០នាក់ហើយ ឯអ្នកឆ្លងវិញឡើងជាង ១៤ ០០០នាក់
    សង្គម
    February 2, 2020 SAM

    យោងតាមរបាយការណ៍ពីប្រទេសចិនបានឲ្យថា ចំនួនអ្នកស្លាប់នៅខេត្ត Hubei ប្រទេសចិន ដោយសារតែការផ្ទុះឡើងនៃវីរុសកូរ៉ូណាបានកើនឡើងពី ៤៥នាក់រហូតដល់ ៣០៤នាក់។ ប្រភពព័ត៌មានបរទេសបានឲ្យដឹងទៀតថា ក្នុងរយៈពេលតែ១ថ្ងៃ មានអ្នកឆ្លងវីរុសកូរ៉ូណានេះដល់ទៅ ២ ៥៩០នាក់ ដែលធ្វើឲ្យចំនួនអ្នកឆ្លងសរុបបានកើនឡើងដល់ ១៤ ៣៨០នាក់ហើយ ដែលនេះជាចំនួនដ៏ច្រើនមួយ។ ប្រទេសចិនកំពុងប្រឈមនឹងភាពឯកោកាន់តែខ្លាំងនៅពេល ដែលប្រទេសនានាបង្កើនការរឹតត្បិតលើការធ្វើដំណើរទៅប្រទេសចិន ហើយក្រុមហ៊ុនអាកាសចរណ៍ក៏ផ្អាកការហោះហើរចេញចូលពីចិនផង។ បណ្តាប្រទេសមួយចំនួនបានជម្លៀសពលរដ្ឋរបស់ពួកគេចេញពីទីក្រុងអ៊ូហាន តាមរយៈយន្តហោះពិសេស៕

  • គង់ ចាន់ស្រីមុំ ប្រកាសថានឹងចែកម៉ាសជូនបងប្អូនប្រជាពលរដ្ឋដោយឥតគិតថ្លៃ
    សង្គម
    January 28, 2020 sovann khmernote

    ខណៈដែលកម្ពុជាបានប្រកាសថាមានជនជាតិចិនម្នាក់បានផ្ទុកមេរោគកូរ៉ូណា នៅខេត្តព្រះសីហនុ ហើយមានអ្នកឆ្លៀតឱកាសលក់ម៉ាស និងទឹកលាងដៃ មានតម្លៃថ្លៃគុណនឹង២ យ៉ាងណាមិញក៏មានសប្បុរសជនមួយចំនួនបានប្រកាសចែកជូននូវម៉ាសពាក់ការពារដោយឥតគិតថ្លៃជូនដល់ប្រជាពលរដ្ឋ។ ក្នុងនោះផងដែលនៅថ្ងៃនេះតារាសម្តែងអ្នកនាង គង់ ចាន់ស្រីមុំ ក៏បានឲ្យដឹងថាខាងមុខនេះអ្នកនាងនឹងចែកម៉ាសជូនបងប្អូនប្រជាពលរដ្ឋដោយឥតគិតថ្លៃ ប៉ុន្តែពុំទាន់កំណត់កាលបរិច្ឆេទ និងចំនួនម៉ាសដែលចែកប៉ុន្មានឡើយ។ ដោយគង់ ចាន់ស្រីមុំ បានសរសេររៀបរាប់ថា៖ “ម៉ាមីសន្យាថានឹងចែកម៉ាស់ជូន Free តែសំរាប់ចំនួននៅមិនទាន់ច្បាស់នៅឡើង ពេលម៉ាសមកដល់ម៉ាមីនឹងប្រកាសជូនដំណឹងម្តងទៀត សូមផ្តាំផ្ញើទៅបងប្អូនទាំងអស់គ្នាកុំភ្លេចពាក់ម៉ាស់គ្រប់ទីកន្លែងដើម្បីការពារវីរុសកូរូណា និងដើម្បីសុខភាពខ្លួនឯងនិងក្រុមគ្រួសារ ជូនពរសំណាងល្អ”៕ ចង់ជ្រាបច្បាស់សូមទស្សនាវីដេអូនៅខាងក្រោម៖

  • ប្រពៃណាស់! បងស្រីម្នាក់ប្រកាសចែក ម៉ាសចំនួន ១,០០០ និងសាប៊ូលាងដៃ ៣០០ដបតូច ជូនបងប្អូនប្រជាពលរដ្ឋដោយឥតគិតថ្លៃ នៅចំណុចមាត់ទន្លេ មុខព្រះបរមរាជវាំង
    សង្គម
    January 28, 2020 sovann khmernote

    ខណៈដែលជំងឺផ្លូវដង្ហើមកូរ៉ូណា (Corona) កំពុងតែរាតត្បាតស្ទើរតែជុំវិញពិភពលោក ហើយកម្ពុជាក៏បាន រកឃើញករណីជំងឺផ្លូវដង្ហើម កូរ៉ូណាវីរុសនៅលើជនជាតិចិនម្នាក់ នៅកំពង់សោម ប្រជាពលរដ្ឋជាច្រើនមានភាពភ័យខ្លាច ដោយនាំគ្នាការពារខ្លួនពីការឆ្លងជម្ងឺ តាមរយៈការពាក់ម៉ាស ពុំមានមូលដ្ឋានច្បាស់លាស់ រហូតដល់មានអ្នកឆ្លៀតឱកាសមួយចំនួនបានតម្លើងថ្លៃម៉ាសគុណនឹង២។ យ៉ាងណាមិញនៅមុននេះបន្តិចមានបងស្រីម្នាក់មានគណនីហ្វេសប៊ុកឈ្មោះ Ann Sreyleak បានប្រកាសថានៅថ្ងៃទី២៩ ខែមករា ឆ្នាំ២០២០ស្អែកនេះ បងស្រីនឹងធ្វើការចែកជូននូវម៉ាសចំនួន១ពាន់ម៉ាស និងសាប៊ូលាងដៃ ៣០០ដបតូច ដែលធ្វើការចែកជូននៅចំណុចមាត់ទន្លេ មុខព្រះបរមរាជវាំង។ ដោយបងស្រីបានសរសេររៀបរាប់ថា៖ “ស្អែកនេះ ម៉ាស ១,០០០ និងសាប៊ូលាងដៃ ៣០០ដបតូច នឹងធ្វើការចែកជូនដោយឥតគិតថ្លៃនៅចំណុចមាត់ទន្លេ មុខព្រះបរមរាជវាំង ម៉ោង១២ថ្ងៃត្រង់ តទៅ បើបងប្អូនចង់ចូលរួមចែក

  • ព្រះអើយ! អ្នកផ្ទុកវ៉ីរ៉ុស កូរ៉ូណា កើនឡើងដល់ជាង ៤០០០ នាក់ហើយ ស្លាប់នៅចិន 106 នាក់ មួយថ្ងៃកើនអ្នកផ្ទុកមេរោគជាង ១ពាន់នាក់
    សង្គម
    January 28, 2020 បក្សីចាំក្រុង

    យោងតាមអាជ្ញាធរចិនបានឲ្យដឹងថាគិតមកទល់ពេលនេះ ចំនួនអ្នកស្លាប់ដោយសារការឆ្លងវីរុសកូរ៉ូណានៅប្រទេសចិនបានកើនឡើងដល់ ១០៦នាក់ ខណៈដែលករណីថ្មីកើតមានជិត ១៣០០នាក់ ដែលត្រូវបានបញ្ជាក់។ ជាមួយគ្នានេះគណៈកម្មការសុខាភិបាលខេត្ត Hubei បាននិយាយថានៅភាគកណ្ដាលនៃខេត្តដែលជាចំណុចចាប់ផ្ដើមរាតត្បាតមានមនុស្ស ២៤ នាក់ទៀតបានស្លាប់ដោយសារវីរុស ហើយមានមនុស្ស ១២៩១ នាក់បានឆ្លងជំងឺនេះ ដែលធ្វើឲ្យចំនួនអ្នកឆ្លងជំងឺកើនឡើងដល់ជាង ៤០០០ នាក់។ ចាប់តាំងពីវីរុសកូរ៉ូណានេះបានផ្ទុះឡើងមក ប្រទេសចំនួន ១២ ត្រូវបានគេកត់សម្គាល់ឃើញថាបានឆ្លងជំងឺនេះ ក្នុងនោះរាប់បញ្ជូលទាំងអ្នកឆ្លងជំងឺជាលើកដំបូងនៅក្នុងប្រទេសកាណាដា និងស្រីលង្កាផងដែរ។ យ៉ាងណាមិញកាលពីសប្ដាហ៍មុនប្រទេសចិនបានបិទតំបន់ដែលរងផលប៉ះពាល់ដោយសារវីរុសនៅក្នុងខេត្ត Hubei ហើយកំពុងសាងសង់មន្ទីរពេទ្យថ្មីចំនួនពីរដើម្បីព្យាបាលអ្នកផ្ទុកវីរុស។ ខណៈដែលប្រធានាធិបតីចិនលោក ស៊ី ជីនពីង បានបង្កើតគណៈកម្មាធិការពិសេសមួយដើម្បីដោះស្រាយការផ្ទុះឡើងនៃជំងឺនេះ។ គួរបញ្ជាក់ផងដែរថាវីរុសកូរ៉ូណាត្រូវបានគេជឿថាចាប់ផ្ដើមកើតឡើងនៅចុងឆ្នាំមុន នៅក្នុងផ្សារ Wuhan ដែលជាកន្លែងលក់សត្វព្រៃខុសច្បាប់

  • ប្អូនស្រីរស់នៅសិង្ហបុរី បានណែនាំរបៀបការពារខ្លួនកុំឲ្យឆ្លងវីរ៉ុស កូរ៉ូណា តាមការណែនាំរបស់ប្រទេសសឹង្ហបុរីទៅប្រជាពលរដ្ឋគេ
    សង្គម
    January 28, 2020 sovann khmernote

    ខណៈដែលជំងឺផ្លូវដង្ហើមកូរ៉ូណា (Corona) កំពុងតែរាតត្បាតស្ទើរតែជុំវិញពិភពលោក ហើយកម្ពុជាក៏បាន រកឃើញករណីជំងឺផ្លូវដង្ហើម កូរ៉ូណាវីរុសនៅលើជនជាតិចិនម្នាក់ នៅកំពង់សោម និង នៅ ៣ នាក់ទៀតកំពុងដាក់ក្នុងបន្ទប់តាមដាន។ ប្រជាពលរដ្ឋជាច្រើនមានភាពភ័យខ្លាច ដោយនាំគ្នាការពារខ្លួនពីការឆ្លងជម្ងឺ តាមរយៈការពាក់ម៉ាស ពុំមានមូលដ្ឋានច្បាស់លាស់ រហូតដល់មានអ្នកឆ្លៀតឱកាសមួយចំនួនបានតម្លើងថ្លៃម៉ាសគុណនឹង២។ យ៉ាងណាមិញថ្មីៗនេះនារីខ្មែរម្នាក់កំពុងរស់នៅប្រទេសសិង្ហបុរី ក៏បានចែករំលែកនូវការជ្រើសយកប្រភេទម៉ាសឲ្យបានត្រឹមត្រូវ ដោយម្ចាស់គណនីហ្វេសប៊ុកឈ្មោះ Sreypor Chan បានឲ្យដឹងថា នៅប្រទេសសិង្ហបុរី គេណែនាំឲ្យប្រជាពលរដ្ឋពាក់ម៉ាស surgical (ម៉ាស់ពេទ្យ) ដែលមានសំលី២ជាន់ការពារទឹកមាត់ប់ះពាល់មាត់និងច្រមុះ បងប្អូនពុំចាំបាច់ត្រូវការពាក់ម៉ាសប្រភេទ N95 នោះទេ។ ប្រភពដដែលបានឲ្យដឹងថាជំងឺផ្លូវដង្ហើមកូរ៉ូណា (Corona) ពុំឆ្លងតាមរយៈខ្យល់អាកាសឡើយ ហើយអ្នកដែលពាក់ម៉ាសនោះគឺសម្រាប់តែតែអ្នកដែលមានជំងឺផ្តាសាយនិងហៀរសំបោរប៉ុណ្ណោះ។

  • Update: សឹង្ហបូរី រកឃើញអ្នកឆ្លងជំងឺ Coronavirus ម្នាក់ទៀតហើយនៅមុននេះបន្តិច
    សង្គម
    January 27, 2020 sovann khmernote

    កាសែត channelnewsasia បានចុះផ្សាយនៅមុននេះបន្តិចថា ប្រទេសសឹង្ហបូរី បានរកឃើញអ្នកឆ្លងជំងឺ Coronavirus ម្នាក់ទៀតហើយ ដោយមកទល់នឹងពេលនេះ មានអ្នកជំងឺ Coronavirus ចំនួន 5 នាក់ហើយនៅក្នុងប្រទេសដែនកោះមួយនេះ។ ក្រសួងសុខាភិបាល សឹង្ហបូរី បានអោយដឹងថាស្ត្រីជនជាតិចិន អាយុ 56ឆ្នាំម្នាក់ ត្រូវបានរកឃើញថាមានជំងឺ Coronavirus ដោយគាត់ចេញដំណើរពីខេត្ត Wuhan មកកាន់ប្រទេសសឹង្ហបូរី កាលពីថ្ងៃទី 18 ខែមករា ជាមួយនឹងក្រុមគ្រួសារ។ បច្ចុប្បន្នស្ត្រីរូបនេះ កំពុងស្ថិតនៅបន្ទប់ដាច់ដោយឡែកនៃមជ្ឈមណ្ឌលជាតិសម្រាប់ប្រយុទ្ធប្រឆាំងជំងឺឆ្លង ហើយស្ថានភាពរបស់គាត់មិនទាន់ធ្ងន់ធ្ងរនោះឡើយ៕