ព័ត៌មានចុងក្រោយ
  • មកដឹងពីរបៀបផលិតនំដំឡូងចំណិត ដែលយើងទាំងអស់គ្នាចូលចិត្តញ៉ាំ សង្គម
    សង្គម
    សង្គម March 1, 2020 SAM

    នំដំឡូងចំណិតក្នុងកំប៉ុងគឺជាអាហារដ៏ពេញនិយមមួយ ដែលមនុស្សជាច្រើននៅទូទាំងពិភពលោកចូលចិត្តញ៉ាំ ដោយសារតែវាមានលក្ខណៈងាយស្រួលយកតាមខ្លួន និងជាពិសេសមានរសជាតិឈ្ងុយឆ្ងាញ់ជាប់មាត់តែម្តង ថែមទាំងមានតម្លៃសមរម្យទៀតផង។ នំដំឡូងចំណិតក្នុងកំប៉ុងនេះត្រូវបានក្រុមហ៊ុនជាច្រើនលក់ដាច់យ៉ាងខ្លាំង ដោយក្នុងមួយឆ្នាំៗលក់បានរាប់លានកំប៉ុងឯណោះ។ តោះឥលូវយើងមកដឹងពីចង្វាក់ផលិតកម្មក្នុងការផលិតនំដំឡូងចំណិតក្នុងកំប៉ុងនេះថា តើគេដាក់គ្រឿងផ្សំអ្វីខ្លះ? ហើយត្រូវចំណាយពេលប៉ុន្មាននាទីទើបអាចផលិតនំនេះបានមួយកំប៉ុង? ចង់ដឹងទស្សនាវីដេអូខាងក្រោមទាំងអស់គ្នា៖

  • មកដឹងពីការផលិតទឹកលាងដៃសម្លាប់មេរោគ ដែលកំពុងត្រូវប៉ាន់ខ្លាំង ដោយសារវីរុសកូរ៉ូណា (មានវីដេអូ) សង្គម
    សង្គម
    សង្គម March 1, 2020 SAM

    នាពេលបច្ចុប្បន្ននេះ យើងសង្កេតឃើញតម្លៃម៉ាស់ និងទឹកលាងដៃ មានការកើនឡើងយ៉ាងខ្លាំង ហើយកន្លែងខ្លះមិនអាចផ្គត់ផ្គង់ទាន់ពេលថែមទៀតផង ដោយសារតែតម្រូវការមានការកើនឡើងយ៉ាងខ្លាំង ព្រោះតែការផ្ទុះឡើងនៃវីរុសកូរ៉ូណាថ្មី COVID-19 ដែលកំពុងតែរីករាលដាលយ៉ាងឆាប់រហ័សពាសពេញពិភពលោក។ តោះឥលូវយើងនឹងបង្ហាញទាំងអស់គ្នានូវដំណើរការនៃការផលិតទឹកលាងដៃ (Hand Sanitizer) នៅឯរោងចក្របរទេស ដើម្បីដឹងថា តើទំរាំតែផលិតបានទឹកលាងដៃមួយដបតូច តើត្រូវប្រើប្រាស់វត្ថុធាតុដើមអ្វីខ្លះ? ហើយចំណាយពេលប៉ុន្មានដែរទើបផលិតបាន?

  • ខណៈម៉ាស់កំពុងតែឡើងថ្លៃ ដោយសារវីរុសកូរ៉ូណា តោះឥលូវមកដឹងពីរបៀបការផលិតម៉ាស់ទាំងអស់គ្នា សង្គម
    សង្គម
    សង្គម March 1, 2020 SAM

    នាពេលបច្ចុប្បន្ននេះ វីរុសកុរ៉ូណា COVID-19 ដែលផ្ទុះចេញពីទីក្រុង Wuhan ខេត្ត Hubei ប្រទេសចិន បានបណ្តាលឲ្យមនុស្សស្លាប់ និងរបួសជាច្រើននៅទូទាំងពិភពលោក។ ការផ្ទុះឡើងនៃវីរុសកូរ៉ូណាថ្មី COVID-19 នេះបានធ្វើឲ្យមនុស្សជាច្រើននៅទូទាំងពិភពលោកនាំគ្នាសម្រុកទៅទិញទឹកលាងដៃ និងម៉ាស់យកមកប្រើប្រាស់ ដែលជាហេតុធ្វើឲ្យតម្លៃទឹកលាងដៃ និងម៉ាស់មានការកើនឡើងយ៉ាងខ្លាំង ហើយនៅកន្លែងខ្លះមិនមានការផ្គត់ផ្គង់គ្រប់គ្រាន់រហូតដល់មានករណីលួច និងប្លន់យកម៉ាស់ទៅប្រើប្រាស់ទៀតផង។ ថ្ងៃនេះយើងនឹងបង្ហាញអ្នកទាំងអស់គ្នាអំពើដំណើរការ នៃការផលិតម៉ាស់នៅឯបរទេស ដើម្បីឲ្យដឹងទាំងអស់គ្នាថា តើម៉ាស់មួយសន្លឹកត្រូវផលិតឡើងយ៉ាងដូចម្តេច?

  • សម្តែងល្អឥតខ្ចោះ Shin lim យកសន្លឹកក្រមុំឲ្យតារាកិត្តិយសសាញ៉េ និងធ្វើឲ្យបៀ ស្ថិតលើស្នាមសាក់ដើមទ្រូង ឥឡូវនេះត្រូវបានគេទម្លាយល្បិចសៀកនេះហើយ… សៀក
    សៀក
    សៀក March 1, 2020 បក្សីចាំក្រុង

    កំពូលអ្នកលេងសៀក ដែលមានឈ្មោះថា Shin Lim បានបញ្ចេញក្បាច់សៀករហ័សកម្មរបស់ខ្លួននៅលើ​ឆាក​កម្មវិធី America’s Got Talent រដូវ​កាល​ទី ១៣ ​ក្នុង​អំឡុង​ខែ​កញ្ញា ឆ្នាំ២០១៨ ​ដែល​​ធ្វើឲ្យការសម្ដែងរបស់រូបគាត់បានល្បីល្បាញ និងមហាជនសរសើរមិនដាច់ពីមាត់។ ឥឡូវនេះគណនី youtube ឈ្មោះ FactoFusion បានទម្លាយល្បិចរបស់គាត់ ដោយបានយកវិដេអូរបស់គាត់មកសារឡើងវិញ និងបង្ហាញពីល្បិចលេងសៀកដោយសន្លឹកបៀររបស់គាត់ សម្តែងយ៉ាងល្អឥតខ្ចោះ ស្ទើរតែរកកំហុសគ្មាន។ បងប្អូនអាចទស្សនាវិដេអូ Youtube ខាងក្រោម នឹងដឹងពីល្បិចរបស់គាត់ហើយ៖

  • វីដេអូស្តែងៗ កាម៉េរីឆ្លាមត្រូវរថយន្តកុងតឺន័រកៀរវាត់កន្ទុយមួយជុំ​ ឡើងញាក់សាច់តែម្តង! សង្គម
    សង្គម
    សង្គម February 3, 2020 sovann khmernote

    បញ្ហាចរាចរណ៍នៅតែកើតមានជារៀងរាល់ថ្ងៃ ដោយសារតែអ្នកបើកបរមួយចំនួននៅតែមិនមានការយល់ដឹងនិងចេះតែប្រមាថអាយុជីវិតអ្នកដទៃដែលធ្វើដំណើរនៅលើដងផ្លូវតែមួយ ជាហេតុធ្វើឲ្យប្រជាពលរដ្ឋមួយចំនួនធំភ័យខ្លាចក្នុងការធ្វើដំណើរម្តងៗ។ យ៉ាងណាមិញថ្មីនេះមានការចែករំលែកនូវវីដេអូមួយដែលបង្ហាញនូវករណីរថយន្តកាម៉េរីឆ្លាមពណ៌សំបកឪឡឹក ត្រូវរថយន្តកុងតឺន័រកៀរបណ្តាលឲ្យវាត់កន្ទុយមួយជុំ ដែលធ្វើឲ្យមហាជននៅលើបណ្តាញសង្គមបង្ហាញការភ្ញាក់ផ្អើលជាខ្លាំង។ ម្ចាស់គណនីហ្វេសប៊ុកឈ្មោះ Sorphea Ly ដែលបានជួបហេតុការណ៍នេះពេលធ្វើដំណើរតាមដងផ្លូវលេខ៥ ស្រុកមង្គលបូរី ខេត្តបន្ទាយមានជ័យ កាលពីថ្ងៃទី២៧ ខែមករា ឆ្នាំ២០២០ ដោយប្រភពដដែលបានសរសេររៀបរាប់ថា៖ “នាគវាត់កន្ទុយមានពិតៗ បើមិនជឿកុំប្រមាថ ស្រុកមង្គលបុរី ផ្លូវជាតិលេខ5″៕ ប្រភព​៖ Sorphea Ly

  • មានអ្នកបាត់បង់ ជីវិត ដោយសារវីរុសកូរ៉ូណា ជាលើកដំបូងនៅតំបន់អាស៊ានយើង សង្គម
    សង្គម
    សង្គម February 2, 2020 SAM

    ទីក្រុងម៉ានីល៖ អង្គការសុខភាពពិភពលោក (WHO) បាននិយាយប្រកាសនៅថ្ងៃអាទិត្យ ទី២ ខែកុម្ភៈ ឆ្នាំ២០២០នេះថា មានជនរងគ្រោះម្នាក់នៅឯប្រទេសហ្វីលីពីន បានបាត់បង់ជីវិត ដោយសារតែវីរុសកូរ៉ូណា ដែលនេះជាករណីទី១មានអ្នកស្លាប់នៅក្រៅប្រទេសចិន។ យោងតាមប្រភពព័ត៌មានបានឲ្យដឹងថា ជនរងគ្រោះជាបុរសមានអាយុ៤៤ឆ្នាំ ជាពលរដ្ឋមកពីទីក្រុងវូហាន ដែលជាកន្លែងផ្ទុះវីរុសនេះ។ អង្គការសុខភាពពិភពលោក (WHO) បានបញ្ជាក់ថា បុរសជនរងគ្រោះនោះគឺជាអ្នកឆ្លងវីរុសកូរ៉ូណាទី២នៅក្នុងប្រទេសហ្វីលីពីន ហើយគាត់បានស្លាប់បាត់បង់ជីវិតកាលពីថ្ងៃសៅរ៍ម្សិលមិញនេះ។ មន្រ្តីនាយកដ្ឋានសុខាភិបាលនៅប្រទេសហ្វីលីពីនបានបញ្ជាក់ពីការស្លាប់នេះនៅក្នុងសន្និសីទសារព័ត៌មានមួយនាព្រឹកថ្ងៃអាទិត្យនេះ។ មន្ត្រីសុខាភិបាលហ្វីលីពីនទើបតែប្រកាសពីករណីឆ្លងវីរុសកូរ៉ូណាជាលើកដំបូងកាលពីថ្ងៃព្រហស្បតិ៍កន្លងទៅថ្មីៗប៉ុណ្ណោះ៕

  • គិតមកទល់នឹងពេលនេះ អ្នកផ្ទុកវីរុសកូរ៉ូណាជាង ៣០០នាក់ហើយបានជាជះស្បើយ សង្គម
    សង្គម
    សង្គម February 2, 2020 SAM

    ចិន៖ អាជ្ញាធរសុខាភិបាលចិនបានប្រកាសនៅថ្ងៃអាទិត្យនេះថា គិតមកទល់នឹងពេលនេះ អ្នកជំងឺសរុបចំនួន ៣២៨នាក់ ដែលឆ្លងវីរុសកូរ៉ូណាបានចាកចេញពីមន្ទីរពេទ្យ បន្ទាប់ពីបានជាសះស្បើយពីវីរុសកូរ៉ូណា។ គណៈកម្មាធិការសុខភាពជាតិ (NHC) បាននិយាយនៅក្នុងរបាយការណ៍ប្រចាំថ្ងៃរបស់ខ្លួនថា កាលពីថ្ងៃសៅរ៍ មានមនុស្ស ៨៥ នាក់បានជាជះស្បើយពីវីរុសកូរ៉ូណា (ក្នុងនោះមាន៤៩នាក់មកពីខេត្ត Hubei) ហើយត្រូវបានចាកចេញពីមន្ទីរពេទ្យជាបន្តបន្ទាប់។ យោងតាមរបាយការណ៍ចុងក្រោយបានឲ្យដឹងថា ចំនួនអ្នកស្លាប់បាត់បង់ជីវិត ដោយសារវីរុសកូរ៉ូណាមានចំនួនសរុប ៣០៤នាក់ និងអ្នកឆ្លងវីរុសនេះទូទាំងពិភពលោកបានកើនឡើងដល់ ១៤ ៣៨០នាក់៕ ប្រភព៖ Xinhua

  • វីរុសកូរ៉ូណារាតត្បាតមិនទាន់បាត់ផង ឥលូវចិនផ្ទុះឡើងវិញជំងឺផ្តាសាយបក្សីថែមទៀត សង្គម
    សង្គម
    សង្គម February 2, 2020 SAM

    ក្រសួងកសិកម្ម និងកិច្ចការជនបទចិន បានឲ្យដឹងកាលពីថ្ងៃសៅរ៍ថា ប្រទេសចិនមានការផ្ទុះឡើងនៃវីរុសផ្តាសាយបក្សីប្រភេទ H5N1 នៅកសិដ្ឋានមួយក្នុងទីក្រុង Shaoyang ខេត្ត Hunan ភាគខាងត្បូង ប្រទេសចិន។ ករណីនេះបានកើតឡើងនៅក្នុងកសិដ្ឋានមួយកន្លែង ដែលមានមាន់ចំនួន ៤ ៥០០ក្បាលបានស្លាប់ក្នុងចំណោមមាន់ ៧ ៨៥០ក្បាល ដោយសារជំងឺផ្តាសាយបក្សី។ អាជ្ញាធរបានចាប់សត្វបក្សីចំនួន ១៧ ៨២៨ ក្បាលបន្ទាប់ពីការផ្ទុះវីរុសផ្តាសាយបក្សីនេះ។ មិនមែនតែប្រទេសចិនទេ ដែលព្យាយាមកាត់បន្ថយការរីករាលដាលនៃវីរុសនេះ ដោយកាលពីដើមសប្តាហ៍កន្លងមកនេះ អាជ្ញាធរក្នុងប្រទេសឥណ្ឌាក៏បានចាប់ផ្តើមចាប់មាន់ និងបំផ្លាញពងមាន់ ដែលផ្ទុកវីរុសផ្តាសាយបក្សីផងដែរ។ យោងតាមអ្នកជំនាញអង្គការសហប្រជាជាតិបានឲ្យដឹងថា ការផ្ទុះជំងឺផ្តាសាយបក្សីនៅប្រទេសចិនកាលពីឆ្នាំ ២០១៣កន្លងទៅ បានធ្វើឲ្យខាតបង់សេដ្ឋកិច្ចចិនរហូតដល់ ៦,៥ ពាន់លានដុល្លារ៕